Preparing the nurse to render a service to the mentally retarded.

Die hoofdoelstellings van ’n diens aan die geestesvertraagde is rehabilitasie in die gemeenskap, of die bereiking van maksimale persoonlike en sosiale onafhanklikheid binne die omgewing van ’n sorgen rehabilitasiesentrum. Daarom moet die verpleegkundige opgelei word om in die normale (of primêre) menslike sowel as die buitengewone behoeftes van die geestesvertraagde te voorsien. Voorbereiding moet op primêre, sekondêre en tersiêre vlak geskied. Dienslewering geskied in sorgen rehabilitasiesentra asook in die gemeenskap. Grondig onderlê in die toepaslike mediese, biologiese en sosiale wetenskappe, asook in die terapeutiese vaardighede van die psigiatriese verpleegkunde, moet die verpleegkundige gemoeid met die geestesvertraagde persoon egter ook leer om die konsep “ normalisering” in haar benadering tot die persoon te bring dit is, in die beraming van sy behoeftes, in die beplanning van sy versorging en rehabilitasie, in die uitvoering van hierdie beplanning en in alle fasette van evaluering.